maligayang kaarawan sa iyo, aking sinta
nawa sa pagsasama nating dalawa'y sumaya
bubuuin natin ang isang magandang pamilya
at mabubuting anak na kung di lima'y dalawa
maligayang kaarawan sa iyo, aking mahal
sa pagpana ni Kupido, ikaw ang itinanghal
nawa ang ating magandang samahan ay tumagal
habang naghahanda tayong magkaroon ng kambal
maligayang kaarawan sa iyo, aking irog
nawa ikaw ay manatiling malakas, malusog
sa iyo ang iwi kong pag-ibig ay iniluhog
nawa'y dinggin mo ang harana ng puso kong handog
maligayang kaarawan sa iyo, aking giliw
ang aking pagmamahal sa iyo'y di magmamaliw
- gregbituinjr.,01/06/2020
Walang komento:
Mag-post ng isang Komento