10 pantig bawat taludtod
maganda ang kanyang huling SONA
at huwag mo sabihin sa masa
ang talumpating kaiga-igaya
na iyon ay para sa burgesya
lalo sa mga kapitalista
pagmasdan mo ang buhay ng madla
pati na ekonomya ng bansa
lalo na buhay ng manggagawa
sa bayang laksa-laksa ang dukha
diyata't umunlad nga ang bansa
naroon sa samutsaring hamon
sa obrero'y kontraktwalisasyon
sa dukhang batbat ng demolisyon
kurakot dito, kurakot doon
sa maraming isyu'y naroroon
basahin ang ulat niyang gawa
pakinggan mo ang bawat salita
na Boss pa rin niya yaong madla
huwag mong sabihin sa kuhila
sa huling SONA'y walang napala
ngayon, pakibasa mula sa baba pataas
Walang komento:
Mag-post ng isang Komento